جرحـــــــــــــــى القديــــــــــــــــــــــــــم

جدع بلا جاه مرسى الهموم قلبه دايما يقول الآه والذنب مش ذنبه
ده انا لو شكيت وبكيت جبل الحديد هيدوب الأوله غربتي والتانية المكتوب

جرحي القديم يا غريب انا كنت راضي به
جرحي الجديد يا حكيم زود لهاليبه

يا أهل العرب والطرب العدل مين سيده
سيده ويا للعجب وطى وباس ايده

بلدي قصاد عيني قولت أعدي لها
يا مراكبي رسيني وياربي عدلها

اللي يعاديك تعاديه وتفرجه فنونك
واللي يراضيك تراضيه وتشيله في عيونك


وانا هاعمل ايه يا ناس والطبع ليه غلاب
وحبيبتي بنت الناس قفلت في وشي الباب

رضيت بحكمك يا رب والصبر بزيادة
ظلموني من غير ذنب حسدوني بزيادة

أنـــــــــــــــــــــا والحـــــــــــــــزن

أدمنت أحزاني
فصرت أخاف أن لا أحزنا
وطعنت ألافا من المرات
حتى صار يوجعني ، بأن لا أطعنا
ولُعِنْتُ في كل اللغات..
وصار يقلقني بأن لا ألعنا ...
ولقد شنقت على جدار قصائدي
ووصيتي كانت ..
بأن لا أدفنا.
وتشابهت كل البلاد..
فلا أرى نفسي هناك
ولا أرى نفسي هنا ..
وتشابهت كل النساء
فجسم مريم في الظلام .. كما مني ..
ما كان شعري لعبة عبثية
أو نزهة قمرية
إني أقول الشعر - سيدتي -
لأعرف من أنا ....
2
يا سادتي :
إني أسافر في قطار مدامعي
هل يركب الشعراء إلا في قطارات الضنى؟
إني أفكر باختراع الماء..
إن الشعر يجعل كل حلم ممكنا
وأنا أفكر باختراع النهد ..
حتى تطلع الصحراء ، بعدي سوسنا
وأنا أفكر باختراع الناي
حتى يأكل الفقراء، بعدي ، " الميجنا"
إن صادروا وطن الطفولة من يدي
فلقد جعلت من القصيدة موطنا..

3
يا سادتي :
إن السماء رحيبة جدا..
ولكن الصيارفة الذين تقاسموا ميراثنا ..
وتقاسموا أوطاننا..
وتقاسموا أجسادنا..
لم يتركوا شبرا لنا ..
يا سادتي :
قاتلت عصرا لا مثيل لقبحه
وفتحت جرح قبيلتي المتعفنا..
أنا لست مكترثا
بكل الباعة المتجولين..
وكل كتاب البلاط..
وكل من جعلوا الكتابة حرفة
مثل الزنى...

4
يا سادتي :
عفوا إذا أقلقتكم
أنا لست مضطرا لأعلن توبتي
هذا أنا ...
هذا أنا ...
هذا أنا ...

بين الحياة والموت

لو بصيت بعنيك
لقيت الدنيا ضلمة
وكأنك فجأة أعمى
وأنت فـ عز النهار
لو بصيت حوليك
لقيت الحزن قاتلك
علشان يملى عقلك
بجنون الانتحار

بين الحياة والموت
لحظة هدوء وسكوت
لو جالك وهم انك فيها
هتعيش حياه جوه تابوت


لو بصيت تحتيك
لاقيت الأرض ثابتة
لو إنت ماشى حتي
بردو فى نفس المكان
لو بصيت فى إيديك
لاقيت الساعه واقفه
حسيت عقاربها خايفه
تغير الزمان

بين الحياه والموت
لحظة هدوء و سكوت
لو جالك وهم إنك فيها
هتعيش حياه جوا تابوت

نفسك تشوف النور
والأرض تانى تدور
روح كمل عمرك للآخر
ده الموت بدور ومفيش طابور

أغنية جميله جدااااااااااااا
لينك الأغنية

http://www.youtube.com/watch?v=N4iuRwMFCic

مطالبى بعد الثورة

يكُونْ ف عِلْمَكْ…

أنا مُتواضَعْ جِداً….

وِمشْ طالبْ كتيرْ….

يَعنى شَقَة صُغيِرةْ…

ف الكيِِِِِِِِِِِِِِِلُو تِسعينْ…

مَا هى الحَياة مَشَاوِيرْ….

مِشِ شرْط بَقى بتطلْ…

عَلَى جَناين وهَوا وعَصافيرْ…

وبنت حَلالْ ومِش شَرطْ….

زَى اللى ف الكلَيب الأخيِر…

وحِتة مدرسةَ صُغيّرةَ…

أهَى أِلعيال تُفكْ الخَطْ….

ومِش شَرْط لُغات وحرَكاتْ…

وجَغرافيا وتعبيِرْ…

وأدْخلْ القسْم…

أطَلَعْ زِى ماَ دَخَلْتْ…

مُحتْرَم وكبيِرْ….

علـــــــــــــــــــــى ســــــــــــــــــــــــــــــلامه

كلام سر للبحر

يا بحر
ليه الموج فى عِز الهُوج ما بيخلِّصش
و المِلح سَد وِدانك و دانَك لَجل ما تخلِّصش
يا بحر كام ألف بِت زَغزَغت رِجليها
و رَفعت عنها الحِجاب
و لَزقت فُستانها بالعاني على ضَهرها
و جَرحت رِجل الواد اللّي جِري في ضَهرها
و عَملت مِلحَك دَوا
و اللّي جِراحُه هوى مالهوش طبيب غيرَك

طب ليه بِتِبْخَل عليّا
مع إِنْ نــانــا صبيّة
زَغزَغت رِجليها و رَفعت عَنها الحِجاب
و لزقت فستانها بالعاني على ضهرها
و دَبَحتِني في مَهرها و دفعتِلَك راضي
خلّيتلي حبي قضيّة وعملتلي قاضي
وكَويت بِملحَك جَرحي كِيف الدَّبْح
مِن مِيتَى يا بحر الِجراح بتطيب بِحّبة مَلح
و أنا أَصلي واخد ع الـوَجَع ..
و أمَّا الجِـراح بِتْصيـب جَـدَع ..
بيصِير وجَعْهَا بــــ مِيت وَجَع
تعرف يا بحر الـ مِيت وَجَع !
وَجَع اللي حَبّيتها وسابِتني
وَجَّع اللى بعنِيها سَبِتني ..
وَجَع اللي عَمَلِت مِنّي رَمل في قَعر جُوفَك رسَّبتني ..
و تُسعُمِيت مِليُون وَجَع للذكرَيات ..
أصْل المحبّة يا بحر مِش فَترة وتعَدّي
دي عُمر شايِل صوت هِزاري و غُلب جَدّي ..
فِكر طايِح يوم يِجيب و شهور يِوَدِّي ..
و تُسعُمِيت مِليُون وَجَع ..
عَدَد المحَارة و الوَدَع
عَدَد الكلام مِن بين شَفَايِفها الجُمَال
عَدَد الشَّماسي والكَراسي والبَنات ..
عَدَد الرِّمال عَدَد المَطر يا أبو قَلب أقسى مِن الحَجَر ..
كُل اللي فَاكرينَك بتجَمَّع للحَبَايِب شَملُهم ...
عَالَم بَقَرْ
ما أنا جِبتَهَالَك .. مِشْ جِبتَهَالَك ؟! ..
شَهِّد الشّمس اللي لِسّة سَمارها فوق ضَهري تقُولَّك
إِنّي يا بحر ائتَمَنتَك جِبتَهَالَك
ولاّ ليه شَهِّد رِمَالَك
عَلِّي صوتَك سَمَّع الرّمل اللي مَدبوح مِن قَساوتَك
و اندَهُه و إِن كان يِجاوِب اسألُه
فين قُصور الواد دَاهُه
هيقُولولَك ما إنت يا بحر اللي هَدِّيتها
وسَوِّيتها بِباقي الشَّط
هيقُولولَك هُوَّ هُوَّ المُوج يا بحر
زَي ما جَمَّع حَبايِب زَي ما كَسَّر قُصور
بَس النُّوبَة دي يا بحر مُوجَك القَاسي كَسَرني
هُوَّ أنا ناقِص كُسور
لَو تِعَرّينى يا بَحر تِلْقَى جُوّايا بَنات مَالْها عَدَد
ولا اتكَسَرتِش
زَي ما تقُول جِسمي نَحَس مِن الحَريم وبَقيت وَتَـد ..
بس النّوبَة دي ما انتَصَرتِش
بَعتِرفلَك يا هَوَى البحر إِنّي مَغلوب النٌّوبَة دي
بَس خَلّيك واعي دايمًا وافتِكِر مين اللي بادي
ومِن اللّيلادي لا إِنتَ صاحبي ولا أعرِفَك
إِيّاك تِشُوفني بِبِنتْ حِلوَة وتُطلُب إِنّي أعَرفَّك
صَبرَك عَلَيّا
و هـ اكشِفَك و هــ جرِسَك و هـ جَرِفَك و هـ جَوِفَك و هـ كَتِفَك
كِيِفْ الذَلِيل
مِن اللّيلادي سَماك يا بَحر هتِبقَى لِيل
مِن اللّيلادِى هـ أطفِّي شَمسَك و أطمِس الدُّنيا ونَهَارها
" نَـانَـا " مـاتِت
بَس فاضِل لِسّة نارْها
و العَزَا عالِق ما بِيني و بِينَك إنتَ
والله مَا هَقبَل عَزاك
قَبل ماخُد بإيدي
تَـارهَـا !

كـــــــــــــــــــــــــــــان نفـــــــــــــــسى

السلام عليكم ورحمة الله وبركاته
بقالى فترة مابكتبش هنا على المدونه وده طبعا عشان ظروف الشغل اليومين دول بسبب أحداث الثورة العظيمه اللى انا فخور جدا انى شهدت حدث زى ده فى حياتى ولو ان مكانش ليه الشرف انى اشارك فيه بدور رئيسى ولكن بتمنى من ربنا ان من مكانى اكون قدرت أساعد فى تأمين سلامة المتظاهرين وانهم يكملوا ثورتهم بنجاح انا وكل اللى زيى اللى شافوا المصريين بشكل رائع وبروح جديده, كنت واحد من الناس اللى مقتنع تمام الإقتناع ان الروح دى بدأت تتخنق جوانا كمصريين .......

أنا داخل هنا عشان أسجل الحدث التاريخى الهام جدا ده فى حياتى وحياة كل مصرى عاصر الثوره الرائعه دى.

وعاوز أقول فى أخر كلامى " كان نفسى أكون واحد من اللى شاركوا فى الحدث العظيم ده لكن الأهم هو نتيجة الحدث وهو النصر والحمد لله"

سيارة مفخخة - على سلامة

اليوم خلاص قرّب يفوت ..

و ماعدش غيرى ع المحطة

و السكوت ..

و فرد أمن ..

بالصدفة كان فـ اليوم ده خدمة ..

محتاج لقلبك يا ترى

ولاَّ أنا ..

محتاج لـ هِدمة ؟

اليوم خلاص ..

ده خوف ده ولّا حِسّ ناس

بيطـُلّ من قلب البيوت ؟

لو لسّه بنحب الحياة ..

إزاى نموت ؟

اليوم خلاص

لكن عيونى ع الأمل

يمكن هنا ..

جايز هناك

تايه أنا

يا ربى مين

اللى مغمّى عيون الشباك ؟

بعيدة المسافة

بين حد أدنى للأجور

و رغيف و عتمة و وصل نور

و اربع حيطان

لاجل ما نكتب فـ استمارة المدرسة

عنوان سكن

بعيدة المسافة بين قلوبنا و الوطن

بعيدة المسافة بين مفيش

و لمّا تسأل ما تلاقيش

غير القلوب الضيّقة

نفس المسافة ..

بين عشوائية

و حياة طرية ناعمة آخر فخفخة !

خايف تكون كل الشوارع ..

سيارات مفخخة

قاصدة الوطن

كاتدرائية و مشيخة

يا ربى مين ..

وسط انشغالنا بمين هايحكم

و مين هايرحل

و مين شمال و مين يمين ؟

يا ربى مين ..

وسط انشغالنا بالزبالة

بيحرق الورد الجميل

و يسرق النيل الأمين ؟

يا ربى مين !
............................................

كـــــــــــــــان ليـــــه كلمــــــــــــه

كان ليا كلمة قبل ما اسيبك وتسيبينى
واذا كان كلامى تقيل عليكى استحملينى
وتعالى على نفسك ثوانى واسمعينى ووعد منى انى بكره مش هتلاقينى

كان ليا كلمة قبل ما اسيبك وتسيبينى
واذا كان كلامى تقيل عليكى استحملينى
وتعالى على نفسك ثوانى واسمعينى
ووعد منى انى بكره مش هتلاقينى

صدقينى دى اخر مره فيها هاتشوفينى
لو حته صدفه قابلنا بعض هدارى عينى
وانسى اللى كان مفروض بينك وبينى

صدقينى دى اخر مره فيها هاتشوفينى
لو حته صدفه قابلنا بعض هدارى عينى
وانسى اللى كان مفروض بينك وبينى

انا كنت فاكر انى غالى وانك انتى هاتحسى باللى عملته ليكى واللى عملتية ليا
كان نفسى عمرى ما كنت اقول عليكى بقيتى كونتى والبركه فيكى نسيتينى انك حبيبتى


صدقينى دى اخر مره فيها هاتشوفينى
لو حته صدفه قابلنه بعض هدارى عينى
وانسى اللى كان مفروض بينك وبينى

صدقينى دى اخر مره فيها هاتشوفينى
لو حته صدفه قابلنه بعض هدارى عينى
وانسى اللى كان مفروض بينك وبينى