حفلة التخرج ونهاية لقب طالب --- أكشن تانى مره-----

للمره التانيه وفى نفس السنه بتخرج و بيتعمل ليه حفلة تخرج وبتخلص من لقب طالب الى فضل ملازمنى كتير .
طيعا مش فاهمين كلامى..... أنا هاوضح الكلام....
من ييجى سنه كده إتخرجت من كلية الحاسبات والمعلومات وتخلصت من لقب طالب اللى فضل ملازمنى فتره الدراسه كلها , وبقيت مهندس برمجيات والدنيا بقيت حلوه ولذيذه وزى الفل ..... ولكن فجأه جاء موعد التجنيد ولقيت نفسى اتجندت 3 سنين والمطلوب منى انى أفضل 9 شهور فى مركز تدريب تعليمى ويبقى اسمى فيه طالب مجند فى كلية ض.ح . والنهارده بقا انا جاى اقول انى خلاص انتهيت من لقب طالب للمره التانيه اخيرا واتمنى انى ماسمعوش تانى عشان انا كرهته بصراحه :D :D :D

لكن ده مش موضوعى اللى جاى أتكلم فيه ... أنا جاى أتكلم فى موضوع تانى خالص ... هو أصحابى إلى وصلوا لدرجة إخواتى او اكتر اللى اتعرفت عليهم فى الجيش .... رجاله اتعرفت عليهم ومفيش بيننا أى مصلحه ... عيشنا مع بعض أصعب الأيام فى حياتنا وحبينا الأيام دى بحلوها ومرها ... بس فى النهايه برده جيت لحظة الفراق ... مطلوب من كل واحد فينا انه يكمل طريقه بعيد عن التانى ... ممكن هانفضل نسأل على بعض فتره ... لكن فى النهايه كل واحد هايكمل حياته وهانفضل عند بعض مجرد ذكرى ...

أنا عملت الموضوع ده مخصوص عشان نسيب لبعض ذكرى حلوه ... ياريت كل واحد فيكم يدخل يسيب كلمه هنا كتذكار لأجمل أيام عيشناها مع بعض
وانا هاقول ليكم كلكم عمرى ماهانسى اى حد فيكم مهما مرت الأيام ولا هانسى أحلى أيام

أترى يفيد الحلم -- فاروق جويده

فى محاولة فاشله منى لإنعاش المشاعر القتيله بداخلى , قرأت القصيده دى للشاعر الرائع فاروق جويده
كلماتها جميله جدا .

ستجربين حبيبتى ......ستجربين


ستجربين الحب بعدى ....... والحنين


وستحلمين بفارس غيرى هزيل الحلم ......مكسور الجبين

وسترحلين على جناح الصبح عصفورا


كموج البحر لا يدرى جراح المتعبين


وأظل فى الانقاض أجمع بعض أيامى


أدور العمر .....تحرقنى دموع الحائرين


ما زلت أبحث فى ظلام الناس


عن زمن برىء الصبح يهدى التائهين


ما زلت اسكب حزن ايامى دموعا فى بطون الجائعين


ما زلت أحلم بالزمان الآمن الموعود يحملنا الى


وطن عنيد الحلم مرفوع الجبين


وغدوت أحلم هاهنا وحدى


قد كنت مثلى ذات يوم .....تحلمين


ما زلت أحلم ان يعود العش يؤوى الطير


فى ليل الشتاء .....فالعش يهجره الطير


والطير فى خوف المدينة يدفن الاحلام سرا فى العراء


أترى يفيد الحلم فى زمن الشقاء؟؟؟؟


ما زلت ألمح فى ظلام الصبح شيئا .....كالضياء


لا تحزنى من ثورتى


فلقد قضيت العمر بحارا يفتش عن رفيق


وظننت ان فى عينيك مأوى للغريق


فاتيت ابحث فى ربى عينيك


عن زمن أعانق فيه اسراب الامان


زمن يعيش الحلم فيه بغير خوف او هوان


أصبحت فى عينيك تذكارا سطورا ضل معناها الزمان


ستجربين حبيبتى .....ستجربين


سيجىء بعدى عاشق ......يروى الحكايا


ينزع الازهار من صدر الربيع


يلقى عليك عبيرها المخنوق فى ليل الصقيع


ويبيع صبحا بالغرووووووب


ويدندن الاوهام .......كازمن الكذوب


وأظل فى حلمى أذوب


فالحب عندى ان يصير الصبح صبحا


يمسح الاحزان عن كل القلوب


ألا أصير حقيقة عرجاء فى زمن لعوب


وأظل رغم اليأس أنثر حلمنا المهزوم فى كل الدروب

ستجربين حبيبتي.. ستجربين


وستحلمين بفارس غيري


هزيل الحلم مكسور الجبين


مازال حلمي


رغم طول القهر مرفوع الجبين


قد كنت مثلي ذات يوم.. تحلمين

Shabab Sea snake

ازيكم ياشباب , من زمان مكتبتش فى مدونتى وده عشان ظروف الجيش .
لكن النهارده وانا نازل أجازه واول لما نزلت من القطر الحربى فى طنطا وركتب قطر يودينى المحله الكبرى .... قعدت جمب شوية شباب زى الورد ييجى كده لسه فى تانيه كليه او أولى . مع إنى كنت عاوز أنام جدا وانا فى القطر إلا ان الحوار اللى كان داير بينهم شد إنتباهى من كتر الكلام اللى مكنتش بفهمه منهم :D :D :D
ولما رجعت البيت ودخلت على النت عشان ادور على كلام الشباب السيس دول لقيت الترجمه لمعظم الكلام الى سمعته منهم ولقيت حاجات تانيه اكتر من اللى قالوها عشان أعرف ترجمتها بالمره لو ركبت معاهم تانى :D :D :D

وقبل ما أكتب الموضوع أنا بعتذر عن عنوان الموضوع "" ده طبعا للى هايفهموه :D "" لأنى لقيت انه انسب عنوان للكلام المستفز ده مع انى فبركته شويتين :D

وده الموضوع اللى لقيت فيه الترجمه :D

حول اللغة السرية للشباب تعالوا (( نرمى ودانا فى حجرهم )) ونشوف بيقولوا اية ؟؟؟؟؟

يبدأ يوم الشباب عندما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد إلية مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها يعنى لو البنت حلوه يطلق عليها (( أوكشة )) (( فى الزيف )) يعنى فى الجون ولو لابسة جزمة كعب عالى (( ألآستوك بيتوك )) أوحتة (( شامبو )) يعنى ريحتها حلوة ومستحمية !!!

ولو البنت صغيرة يطلق عليها (( أووزى )) ولو كانت البنت الاجمل فى الشلة يطلق عليها (( النتفة )) أما لو كانت قبيحة الشكل تبقى (( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى (( سلعووه ))ولو كانت لعوباً يطلق عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!

ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى(( بيئة ))....

وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) ....وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف(( الموكوس )) الغلبان ....

خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك(( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ...

(( تس تس )) يعنى رزل وممل ... (( شامورتى )) يعنى خنييق ..(( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !!!

ولو الولد تعبان فى المذاكرة يعنى (( جايب جاز والشراب هوى ومتخرتق )) !!!وأكثر مصطلحات متداولة هذة الايام(( العب باشكا )) يعنى العب على المكشوف !!(( حطيت إيدى على البلف )) يعنى فهمت الموضوع !!!

(( أدعك الفانوس دلوقتى )) يعنى ممكن تمشى وترحل !!!(( أرحلك )) أخرجك من الشلة !!(( الجوند )) فلوس !!(( مكيش القفف )) معاه فلوس كتير !!(( يا صباح المظلات )) للمتقدمين للكليات العسكرية !!(( فهمـى )) يعنى نفض وكبر الجمجمة !!!(( أحلق )) طنش !!!(( انت حتزاولنى )) انت حتشتغلنى !!!

(( مهييس )) عامل دماغ وطاير قووى !!!(( يا صباح اللى بتغنى )) صباح الخير !!(( يا مساء الليل )) يعنى يا مساء الخير !!!(( فوكك )) سيبك من الموضوع دة !!!

(( أراك أمس )) يعنى مش عايز اشوفك تانى !!!(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!(( كل معرفتى بيه .. هاى باى )) يعنى مش صاحبى قوى !!!(( شوليطى . موليطى )) يعنى مش معايا فلووس .. مفلس !!ومن مصطلحات الاغانى المنتشرة بكثرة هذة الايام الاتى :(( انا رايح ألعب مع روبى )) يعنى انا رايح الجيم !!!(( تعالوا نحصل ماريا )) تعالوا نلعب شوية !!(( انت بتقلد روبى ؟ )) يعنى بتخبى وبتدارى !!(( أنت كدة تعجب بوسى سمير )) يعنى انت حطيت النقط على الحرووف

وفى الأخر بناشد أصحاب الشباب السيس دول انهم يلموا الكلام ده كله ويترجموه وينزلوا قواميس عشان باقى الناس تعرف تتعامل معاهم :D :D :D