رسالة إلى الوالى

السيد رئيس الجمهورية 

صباح الفل

 أرسلك لسيادتك الخطاب رقم مليون وكلى أمل أن تقرأه ,, ما هو أصل مصريين غيرى كتير حاولوا يبعتولك نفس الخطاب 

 أنا : المواطن مصرى  الذى يتعرض للإضهاد والمعاملة السيئة داخل بلده 

الحكومات مابتحبناش ياريس ومبيهتموش بينا كل المسئولين بيفكروا فى فلوسهم واستثماراتهم وبس ,, ياريس المسئولين  ياما 

ظلموا فينا  وبهدلونا كتير بس احنا مش فاضيين نرد عليهم

أيوه مش فاضيين نرد عليهم ,, لأننا بندور على شغل  واللى شغال مننا بيتطحن فى شغله وفى اللى بيشتغل شغلانه تانيه عشان يعرف  يعيش وفى اللى ساب البلد وهج منها  

ياريس انت ماغيرتش حاجه ,, لسه كل حاجه زى ماهى 

ليه ياريس ,, لسه الشباب بيتسحل ويتعرى ويتقتل 

ليه ياريس ,, الغاز لسه بيروح إسرائيل ولسه مارجعتش فلوسنا اللى اتسرقت 

ليه ياريس ,, عملت بيننا وبينك جدار عازل وبقيت عامل نفسك مش شايفنا

أنا زهقت ياريس ومبقتش عارف أدافع عنك أو ألتمس ليك العذر

أنا بسببك ياريس قالوا  عنى إخوانى وخروف مع انى سر دفاعى عنك كان انى مش عاوز أول رئيس ييجى بعد الثورة يفشل 

المهم دلوقتى أنا محتاج رد ,, رد علينا واثبتلنا انك رئيس الجمهورية وقادر انك تحكم بذاتك أو إمشى ياريس  لأننا تعبنا خلاص

كلمنى ضرورى ياريس ,, الموضوع فى غاية الأهمية 

ولو لقيت موبايلى قاطع شحن 

رقم البيت معاك

والسلام ختام ياريس  

انتهت الحياه العسكرية

إنه فى يوم 21-3-2012 تم إخلاء طرفى من الخدمه فى القوات المسلحة
بعد مدة خدمة استمرت ل 3 أعواااااااااااااااااااااااااااااام
حبيت أسجل اليوم ده زى ماسجلت من كام سنه كده يوم دخولى الجيش
وربنا يكرمنا ان شاء الله فى الحياه كده ... دعواتكم معانا ياشباب

مشوار طويل

في وسط ليل مفيهوش قمر

و قلب تايه
...
احساس بغربة من البشر

و أنا وحدي بمشي في سكتي

موجود بعافر بنتصر

أقع عزيمتي بتنكسر

أقف و اكمل خطوتي

ألاقي هدفي في قصتي

شايف في آخر الضلمة نور

لو حاشني سور أهده هد

احساس بجد

بإني هوصل من غير ما قلبي يساعده حد

مشوار طويل