الخميس، 16 أبريل 2009

Last Midterm


السلام عليكم ورحمة الله وبركاته

النهارده بئا انا داخل أتكلم عن آخر ميد تيرم ليه فى الكليه " إن شاء الله " , وانا طالع النهارده من اللجنه "وكالعاده مش مبسوط من الإمتحان" كنت حاسس بإحساس حلو كده انى معتش هاجرب شعور الامتحان بتاع الميدتيرم , طبعا الناس هاتقول ماهو لسه امتحانات الفاينال .!!!!!
بس انا هارد واقول انى بذاكر فى الترم مره واحده بس , وهى اللى قبل امتحانات الفاينال فبكون داخلها مرتاح نفسيا . أما امتحانات الميدتيرم بكون رايح الإمتحان زى البطيخه وأحيانا بروح من غير مااعرف انا هامتحن ايه :D :D .

بغض النظر عن الكلام اللى فوق ده كله , انا داخل أسجل اللحظه التاريخيه دى , عشان أبقى أفتكر اليوم ده . وياريت تدعولى ربنا يعدى امتحانات الفاينال على خير عشان أتخرج بئا , ونردهالكم فى جوازات عيالكم ان شاء الله :D :D


هناك 10 تعليقات:

Ahmed Samir يقول...

على اد منا فرحان لفرحتك انك هتتخرج
على ادم منا زعلان ان انت هتسبنا وتخلعععع :P
ربنا يوفقك يابو هايدي :D

Unknown يقول...

ربنا يخليك يا أبو الأسرار ونحن السابقون وانتم اللاحقون ياصاحبى :D :D :D

ربنا يوفقنا جميعا ان شاء الله ياحبى فى حياتنا

MY FATE يقول...

الف مبروك أن الأسبوع خلص يا بشمهندس
وألف مبروك أن ده هيبقي آخر ميد ترم ليك فى الكلية دي
بس مش عارفة أنا مش عاوزة أتحط فى الموقف ده
مش عاوزة أخرج من الكلية
حاسة أني هاتبهدل أكتر لما اتخرج مش عارفة ليه بس هو كده :)
ربنا يوفقنا جميعااااا
وينجحنا جميعاااا يااااا رب
سلااااااااااام

Unknown يقول...

الله يبارك فيكى يابشمهندسه متشكر جدا
هى الدنيا كده بتجرى بالإنسان بسرعه , انا لحد النهارده فاكر أول يوم رحت فيه المدرسه وانا فى اولى إبتدائى وكمان أقل من شهرين هاخلص تعليم , هى دى سنة الحياه وعلى رأى اللى بيقولوا "هاناخد زماننا وزمان غيرنا :D :D " .
أما بقى لو هاتبصى لبعد الكليه , فصدقينى شغلنا فى السوق مفيش أكتر منه , السوق محتاج ناس من كليتنا لأنى بجد لما دخلت مجال الشغل لقيت ان خريجين كليتنا طريقة تفكيرهم احسن من اى حد تانى بيشتفل فى الاى تى وده مكانش مجاله وبجد استفدت من كل ماده اخدتها ف الكليه حتى مادة الإداره اللى كنا بناخدها لايحه قديمه , وبكره حضرتك تتخرجى وتشتغلى وتصدقى كلامى

ربنا معانا جميعا ان شاء الله ويوفقنا دايما للصح وللى فيه خير لينا

bosycat يقول...

ربنا معاك يابشمهندس
بالتوفيق دايما ان شاء الله :)

BooDy يقول...

Congratulations!! :D

3o2balna isa :D

Unknown يقول...

@Bosycat
ربنا يخليكى يابشمهندسه , متشكر جدا وبالتوفيق لينا جميعا ان شاء الله

@ BooD(g)y
ربنا يخليك ياحبى , وعقبالك ياحبى ان شاء الله وعقبال فرحك كمان بالمره ان شاء الله :D

MY FATE يقول...

ههههههههه
مش مسالة شغل وهيبقي فيه ولا لأ
مسألة أن الموضوع هيبقي أصعب
يعني التعب اكتر
غير أني ما بحبش البدايات
لأنها مابتقاش مفهومة بما فيه الكفاية
زي اول ما دخلت الكلية كنت قلقانة وأول يوم فى أى مرحلة جديدة كان بيبقي مخيف بطريقة ما يعني :)
كله مكتوب ومقدر
وطبعا نظريتي المفضلة "لا مفر" هنكبر هنكبر :)
الحمد لله عامة
وألف مبروك لحضرتك مقدما على التخرج إن شاء الله :)
سلاااام

hend89 يقول...

الف مبروك لآخر ميد تيرم
وعقبال آخر فينال ان شاء الله :)

Unknown يقول...

@ My Fate (action tany mara )

متشكر جدا ليكى وان شاء الله ربنا يوفقنا جميعا فى حياتنا وربنا يبارك فيكى وعقبالك ان شاء الله

@ Hend89
الله يبارك فيكى وربنا معانا ان شاء الله وعقبالك ان شاء الله