من كام يوم كده ظهرت نتيجة التربيه العسكريه , النتيجه المشئومه ,والحمد لله طلعت ساقط فى التربيه العسكريه, ضاع سهر الليالى لحد الصبح عشان ماتروحش عليه نومه والبهدله بتاعة المواصلات الساعه 6 الصبح وكمان الشمس والعسكرى الحقير الحقير الحقير اللى كان معانا , بس فعلا ده جزائى انى ماعملتهاش كوسه زى الناس .
أنا داخل النهارده أعلن رسميا شيلى اول ماده فى كلية حاسبات المحروسه الا وهى التربيه العسكريه
وحسبى الله ونعم الوكيل فيك يافخررررررررررررررررى.
هناك 6 تعليقات:
بجد مش لاقية حاجة أقولها غير ربنا معاك :(
البلد دي فعلا ما ينفعش معاه غير أسلوب واحد للأسف :(
سلاام
يا عم منا عملتها كويسة وزي الناس
وسقط فيها برضه
:(
هو مفيش فايدة .. وحسبي الله ونعم الوكيل
كبر دماغك وركز في امتحاناتك يا عموور
ربنا معاك
انت عسكرى فاشل :)
ربنا معاك يا حبى وتعديها المرة الجاية
بس ركز بس فى اللى انت فية الاول
سلامون
والله يابني و أنا كمان مارضيتش أستخدم الكوسة و ندمت ...
نظرية جديدة:
"ليه ماتستخدمش الكوسة طالما هيا في إيدك؟"
معلش يعنى هو انا بقالى فترة اشوف ناس
عمالة تقول سقطنا فى العسكرية
وعلى الفيس بوك كمان
بس انا مش فاهمة يعنى اية سقطتو فى العسكرية يعنى :)
انا كنت فاكرة انها لها علاقة بالجيش يعنى لو سقطتو فيها مش هتدخلو الجيش
لكن انا شيفاكم زعلانين فقلت اعرف يعنى معلومة يعنى عشان مبقاش كدة مش فاهمة حاجة :(
وربنا معاك ان شاء الله
@my fate
نشكر سيادتكم لمواساتنا :D :D
وفعلا والله البلد دى ماينفعش معاها غير الاسلوب اللى قصدك عليه
ربنا معانا جميعا ان شاء الله
@ELahlawy
سقطت ف التربيه العسكريه يافاشل :D
هههههههههههه
ربنا معانا ان شاء الله ياسمسم
@DOOOOOLA
انت اخر واحد تتكلم عن الفشل وعن العساكر , ماانت اخدت تأجيل ياعم مين قدك :D :D
@BOoDY
اه والله مبدأك صح يابنى , بس هانقول ايه ربنا معانا
@senioreita
انا هافهمك على الموضوع, انا المفروض انى هابدأ اجراءات الجيش فى شهر 7 وهادخل فى شهر 10 بس مادام سقطت فى التربيه العسكريه ولو ملقتش واسطه تحلهالى هاتخلف عن دفعتى ف الجيش وهاخد سنه زياده يعنى بدل 3 سنين هايبقوا 4 .
هى دى قصة التربيه العسكريه ببساطه :D :D
لو كان اللى يسقط ف التربيه العسكريه مايدخلش الجيش كنت اول واحد يسقط :D
إرسال تعليق