الأحلام دى موجوده فى حياتنا كلنا, ومن حق أى حد فينا انه يحلم .يحلم بزوجه وبيت وأولاد , يحلم بوظيفه كويسه , يحلم بمركز مرموق. يحلم زى مايحلم . بس الغلط اللى احنا بنعمله هو إننا مش بنتعامل مع الأحلام على إنها أحلام.
ممكن الناس تقول هو الراجل ده بيقول ايه احنا مش فاهمين حاجه.
هاقولكم أنا أقصد إيه. الحلم ده حاجه فى خيالنا يعنى مش حاجه ماديه او معنويه موجوده فعلا فى حياتنا . بس فى نفس الوقت بنلاقى الناس بتزعل لما حلم من أحلامها مايتتحققش .
ممكن الناس تقول هو الراجل ده بيقول ايه احنا مش فاهمين حاجه.
هاقولكم أنا أقصد إيه. الحلم ده حاجه فى خيالنا يعنى مش حاجه ماديه او معنويه موجوده فعلا فى حياتنا . بس فى نفس الوقت بنلاقى الناس بتزعل لما حلم من أحلامها مايتتحققش .
ليه؟
مش برده هو إسمه حلم , يعنى لو إتحقق هايبقى أجمل حقيقه طبعا , بس لو مااتحققش مانحسش ان الدنيا كلها قفلت فى وشنا , وان الحياه بقت سوده.وخلاص الانسان مننا مايحلمش تانى . لأ , عيش وإحلم تانى وحلمك يتكسر وترجع تحلم غيره وغيره.
أنا بقول الكلام ده لأنى فى حياتى أحلام كتير مااتحققتش , أوقات كتير كنت بزعل بس بعد لما فهمت معنى انه كان حلم , خلاص بقيت فاهم شويه .
حلمت أحلام كتير مش على مقاسى , أحلام أكبر منى.
هو أه صح انا مش بعرف انى مش أد الأحلام دى إلا لما بكون اتعلقت بيها بس برده من حقى أحلم مادام هو حلم بس لحد الوقتى.
أنا كاتب الموضوع ده لأنى كنت بتكلم مع واحد صاحبى وقالى إنه معتش هايحلم بحاجه تاني لإن أحلامه مابتتحقش كامله.
بس أنا عاوز أقوله هنا , إنى بحلم أحلام كتيره جدا وانا من جوايا عارف إنى مش أدها بس ماينفعش انى مااحلمش , ماينفعش مانحلمش , لازم نحلم لان ممكن احلامنا دى تبقى حقيقه.
مش برده هو إسمه حلم , يعنى لو إتحقق هايبقى أجمل حقيقه طبعا , بس لو مااتحققش مانحسش ان الدنيا كلها قفلت فى وشنا , وان الحياه بقت سوده.وخلاص الانسان مننا مايحلمش تانى . لأ , عيش وإحلم تانى وحلمك يتكسر وترجع تحلم غيره وغيره.
أنا بقول الكلام ده لأنى فى حياتى أحلام كتير مااتحققتش , أوقات كتير كنت بزعل بس بعد لما فهمت معنى انه كان حلم , خلاص بقيت فاهم شويه .
حلمت أحلام كتير مش على مقاسى , أحلام أكبر منى.
هو أه صح انا مش بعرف انى مش أد الأحلام دى إلا لما بكون اتعلقت بيها بس برده من حقى أحلم مادام هو حلم بس لحد الوقتى.
أنا كاتب الموضوع ده لأنى كنت بتكلم مع واحد صاحبى وقالى إنه معتش هايحلم بحاجه تاني لإن أحلامه مابتتحقش كامله.
بس أنا عاوز أقوله هنا , إنى بحلم أحلام كتيره جدا وانا من جوايا عارف إنى مش أدها بس ماينفعش انى مااحلمش , ماينفعش مانحلمش , لازم نحلم لان ممكن احلامنا دى تبقى حقيقه.
هناك 6 تعليقات:
يمكن انا مختلف معاك فى حاجات بس يمكن اتفق معاك فى المعظم ولكن تعربف كلمة حلم هو شئ انت بتحلم بيه ومش ممكن يحصل ابداااا ويكمن لانى فاهم انت تقصد ايه لانى بعتبرك اخويا الاول فممكن اقولك ان الى بتفكر فيه او الى تقصده ده مش حلم ده شئ بيحصلنا كلنا بس انا مش بعتبره حلم لانه مش شئ لايمن حدوثه
هو ايه الى بقوله المهم مبروك البلوج اناعارف انها متاخر اوى بس اوعدك انى هكون متابع جيد وابقى فكرنى اقولك على فكرة حلوة كده نعملها سوى
بجد موضوع حلو اوي اصلاً كل البلوج جامد ;)
وفعلاً مفيش حد فينا مابيحلمش وبيتمني طبعاً انه يحقق احلامه مهما كانت صغيرة او كبيرة يعني ممكن يكون في حد كل حلمه بس انه يعيش في أمان في حد تاني بيحلم يكون عنده عربية :D بس في الأخر ماينفعش مانحلمش بل بالعكس لازم يكون لكل حد فينا حلم أو هدف يحطه ادامه ويسعي انه يحققه ولو مااتحققش المفروض فعلاً زي مابتقول مايزعلش لانه مجرد حلم واكيد وهو بيحلمه عارف انه ممكن يتحقق وممكن لأ .
ويارب ان شاء الله تحقق كل أحلامك وتبقي اجمل حقيقة ان شاء الله :D
طبيعى الاحلام فى النهاية مجرد احلام بس مش عند الكل والتعامل معاها بيكون مختلف وعلى حسب ... واقصد بعلى حسب دى هو حلم على اساس ايه وايه امكانياته دلوقتى وظروفه تخليه يكون عنده امل فى تحقيق الحلم ده علشان بعد كدة لو ماتحققش الحلم يكون على علم بالنواقص والعيوب والظروف اللى خلته مايحققش الحلم ده ويكون مش مصدر الم وحزن بعد كدة والتعامل مع تحقيق الاحلام مايكونش بالعواطف اكتر من العقل وده اللى انا متفقة فيه مع حضرتك ........ فى ناس مصدر دفعها للامام احلامهم ولما احلامهم ماتتحققش بتكون مصدر احباط وانا بقول كلها مش معنى ان حلم او اتنين فشل الانسان فى تحقيقهم يبقى خلاص وانتهت الاحلام والامال والى اخره ...... انا من رايى ان اللى يحلم بان جميع احلامه لازم تتحقق من وجهة نظره دى تبقى انانية ومنتظر ان الدنيا تقدمله كل اللى هو عاوزه وده فى عالم الاحلام نفسه بمناسبة كلامنا عن الاحلام يعنى ............ ممكن يكون بالاصرار والتحدى تتحقق الاحلام لكن بردو مهما كانت شدة الاصرار ده الانسان مش هاويوصل لكل اللى هو عاوزه كلامى مش من فراغ ده عام والكل جربه واقتنع بيه فى ناس مش مقتنعة بالكلام ده هى حرة لكن للاسف هاتكون نهايتهم الالم وندمهم على تضيع وقتهم ...... فى ناس بقى مش بتحلم باى حاجة وسايباها كدة للظروف وتقادير ربها واللى ربنا كاتبه لها ودا طبعا جزئيا صح فى اننا نرضى باللى ربنا كاتبه لينا مهما كان واننا مانحلمش بحاجة وفى الاخر ننزل على مافيش واننا مهما حلمنا ومهما عملنا فى الاخر ربنا مقدر لكل واحد اللى هو عاوزه وحاله هايكون ازاى وكدة يعنى ........ الغلط بقى انك تكون واقف فى مكانك وتقول اللى ربنا رايده هايكون لكن بردو فى جملة بتقول اسعى ياعبد وانا اسعى معاك بمعنى لو حلمت بحاجة وسعيت لها وتكون فى شرعى يعنى مش بتخالف اللى خالقك فى اى حاجة من شرعه واللى فرضه عليك هايكون معاك فيها وبمشيئته تتحقق وهى اللى تكون ربنا فعلا كاتبهالك ويمكن من الاسباب اللى مخلياك مستمر فيها ان فعلا ربنا رايدلك كدة ............... واخيرا اسفة على طول رغيى لكن فعلا الموضوع شيق وشكرا لصاحب البلوج على طرحه
فى امان الله
leopard-eyes
منور البلوج يأبو يوسف , وشكرا جدا على الكومينت بتاعك :D .
وبالنسبه للى عاوزنى أفكرك بيه هأبقى أكتب على بنطلون زورو عشان افتكر :D
ButterflY
منوره البلوج يابشمهندسه :d ,وشكرا جدا على رأيك فى البلوج المضلم ده :d.
ويارب أحلامنا كلنا تتحقق إن شاء الله وتكون أجمل حقيقه.
وشكرا جدا على الكومينت الجميل ده
mirage
أهلا بحضرتك , منوره البلوج .
>> والتعامل معاها بيكون مختلف وعلى حسب ... واقصد بعلى حسب دى هو حلم على اساس ايه وايه امكانياته دلوقتى وظروفه تخليه يكون عنده امل فى تحقيق الحلم ده علشان بعد كدة لو ماتحققش الحلم يكون على علم بالنواقص والعيوب والظروف اللى خلته مايحققش الحلم ده ويكون مش مصدر الم وحزن بعد كدة والتعامل مع تحقيق الاحلام مايكونش بالعواطف اكتر من العقل>>
فعلا كلام حضرتك صح وده اللى انا كنت أقصده .
وبجد كل كلام حضرتك جميل جدا ومقنع وبالذات
>> ممكن يكون بالاصرار والتحدى تتحقق الاحلام لكن بردو مهما كانت شدة الاصرار ده الانسان مش هاويوصل لكل اللى هو عاوزه<<
لأن فعلا مهما الإنسان تعب وحاول مش هايقدر يحقق كل احلامه لكن المهم انه يعيش الحلم اللى اتحقق ويرضى بيه ويكيف نفسه مع الوضع اللى هو فيه عشان مايضيعش وقت كبير فى الندم او الحزن.
وشكرا جدا على الكومينت الجميل ده
إرسال تعليق